,, المعركــــــــه ,,

مع التحيه والتقدير

يا فاتنه ما تجاهلت وتجاهلتك=ياهيبة المعركه والرمح والرامي
بعت الخطا والجفا من يوم قابلتك=ماكنّك الا ملاك حل قدامي
حتى شعرت الوهم من ارض شايلتك=انه تميد وحصاها يلمس اقدامي
مدري من الشكل والا كبر منزلتك=والا من الهيمنه والهول وهيامي
روحي تهاوت وانا با الحيل جاملتك=من سطوة الليل فوق الشمس والنامي
زايمت الاثقل وشاكلني وشاكلتك=المس ضلوعي واحسه تضرم اضرامي
وكنت احسبنّي اسولف في مغازلتك=واثري ليالي سكوتي تسبق ايامي
لو هي على الكيف ارضيتك وزعلتك=لكن وقوف الضمى يثر على الضامي
كل البها ملبسك والموت راحلتك=ومن الهوا موقعك با الموقع السامي
كن الحلا لك لحالك ورث عايلتك=وانا وريث الذهول وجرحي الدامي
تدرين اسهل مصيبه يا تخيلتك=انسى غلا الاصدقا واحقاد الاخصامي

روحي تهاوت وانا با الحيل جاملتـك
من سطوة الليل فوق الشمس والنامي
زايمـت الاثقـل وشاكلنـي وشاكلتـك
المس ضلوعي واحسه تضرم اضرامي
وكنت احسبنّي اسولف فـي مغازلتـك
واثري ليالي سكوتـي تسبـق ايامـي

الله الله

مرزوق الرمالي

حياك الله يابن رمال ، مرحبابك معنا بين

اخوانك في مرافيء الجميع ومرافيء الشعر والادب ،

نتمنى لك طيب الاقامه ،وصح لسانك على هذه

المصافحة الجزلة والتي تدل على المكانه الشعريه

لشاعرها ،

لاهنت ونتظر منك كل جديد.

مرزوق الرمالي

هلا بك اخوي
وحياك الله في المرافئ
مصافحه اولى رائعه
صح لسانك ملاييين
ولاهنت

تحيتي لك

صح لساااانك وصح فكرك

قصيدة رائعه بروعة حضورك الجميل

تقبل مروري وتقديري

حضور أول بهي بهذه الرائعه


هذا الحضور يُشعرنا بحضور الكبار

صح لسانك شاعرنا العذب مرزوق الرمالي

واهلاً بك


أحترامي