والعتيم الصبح ..
لاح لي وجه الرياض ..


ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي .. خذتها بيدها ومشينا

من روائع الشاعر ..
بدر بن عبد المحسن




تحتل مدينة الرياض مكانة متميزة من حيث التطور والتقدم الحضاري في مختلف المجالات وشهدت خلال العشر سنوات الماضية تطورا حضاريا لم يسبق له مثيل مقارنة بالعديد من المدن العالمية..

فهي من اكبر مدن العالم حيث يبلغ عدد السكان 4 ملايين نسمه ! [ البديعه مليون لحالهم ]

تنقسم الرياض الي مناطق مختلفه من حيث المستوى الأجتماعي ..
وايضآ تقسيم إداري شمال جنوب شرق غرب وسط ..

تعرف الرياض بجوها المتقلب
يوم السماء صافيه مع هواء خفيف ويوم غبار يكتم .. وباقي ايام السنه أمطار <- خلوني احلم^^
لا الصدق جوها حار بس يكفي وجودي فيهآ و طيبة اهلها تنسيك الحر ..
لاتطلع من بيتك الآ نص العشآء إذا ماتبي يقلب لونك
لان الشمس تحرق .. الله ينجينا من النار ..




***






يعتبر مطار الملك خالد الدولي من اجمل المطارات وافخمها .. فهو واجهه لمدينه الرياض ..

من معالم مدينه الرياض أستاد الملك فهد التحفه الفنيه الرائعه ..
وبرج المملكه والفيصليه ..
وبيتنا <-من سامح لها تشارك .؟

وهناك معلم تاريخي وسياحي يعود بناؤه الي 1895 ميلادي في حي الديره وهو المصمك
كان المصمك مسرحاً لمعركة فتح الرياض و التي لا تزال آثار تلك المعركة موجودة على باب القصر و المتمثلة في سنة الرمح الذي قُتل به ابن عجلان حيث لا يزال الباب الأصلي موجوداً ..

شاليهات بحيرة الثمامه + قريه الواحه + منتجع المرسى + منتزه سلام + فانتزي لاند +جبل ابو مخروق .. ويقال ان نجم طاح ع الجبل واحدث فتحه مازالت موجوده الي الآن ويقع في حي الملز ..


المرسى عندهم شاليهات رايقه لعائله مكونه من 6 الي 7 اشخاص مهوب 45 شخص تجمعونهم في شاليه صغير وتبونهم ينبسطون ..














الله لا يخلينا من الثمامه .. <-
24 ساعه على مدآر السنه صيف شتاء مايعوق الناس شي عن الطلعه شعآرهم [ طالعين طالعين ]
في الصيف تلاقيهم بالليل شوي والشتاء مخيمات ودبابات ..
















شارع التحليه الذي يعتبر شانزلزيه الرياض .. يجمع كثير من المطآعم والمقاهي ..
وهو متنفس الشباب الوحيد فعادي انك تشوف احد حايق سيارته وحاط فيها خطوط حمراء والثاني مركب كفرات تريله على لكزس عشان يتميز والناس تقول الله شوفو سيارته






المطآعم والمقاهي حدث ولا حرج ..


في التحليه ..
الريف اللبناني + الريف الأيطالي + وتر ليمون + افاد الهندي +حديقه التــاج (مطعــم هنــدي )+ ابل بيز + تاو + دايموند + تشيليز + فدركــرز+فــرايديز
وعلى امتداد التحليه توتي كافيه مكان راقي جدآ




في الثلاثين .. ستيك هاوس + ست الشام + ابو كمال
الركن المكسيكي + زعفران (مطعم هندي) + شيراز الأيراني ..وكمــان فيه مطعــم الـضوء الخــافت مرررة روووعه


وتعتبر العليا وشارع التحليه مجمع للمطاعم والمقاهي بالرياض ..









وماننسى طبعآ الأسوآق كيف لا ونحن بآخر الزمان والمعروف بكثرت الأسواق .. الله يتوب علينا


من الأسواق الجامعه لجميع الماركات + الأسعار المعقوله + الجلسات العائليه ..
الرياض غاليري + حياة مول
+صحارى وأسوااق كثييرة مثل غرناطه مول + رويال مول + سلام مول









عندي بعض الملاحظات ..


طريق خريص الي بايع عمره يدخله وقت خروج الموظفين
طريق الملك فهد دائمآ زحمه
طريق الملك عبدالله ناوين يصورون برنامج الحصن عندنا من كثر الحفريات
الدائري <- من عند مخرج 10 و 11 شرق الرياض ناقص يبعون هناك حرامات ونصير متجهين لمكه ..
شي لا يوصف الزحمه عندنا


كشتنا برا الموضوع .. ؟
بكذا اعطيتكم نبذه بسيطه عن افضل مدينه عربيه من حيث المباني وكل شيء <-

فديتها ياناس وفديت ترابهااا